Tech BBQ 🇩🇰

TechBBQ er ein stærsta frumkvöðla- og nýsköpunarráðstefna Norðurlanda og hefur vaxið jafnt og þétt frá stofnun árið 2013. Viðburðurinn hófst sem lítil samkoma fyrir tæknifólk og frumkvöðla í Kaupmannahöfn en hefur síðan þróast í stóran alþjóðlegan vettvang fyrir sprotafyrirtæki, fjárfesta, nýsköpunarfyrirtæki og aðila úr vistkerfi nýsköpunar.

TechBBQ 2026 fer fram dagana 26.–27. ágúst 2026 í Bella Center Copenhagen í Kaupmannahöfn. Þar koma saman frumkvöðlar, fjárfestar, sérfræðingar, stefnumótendur og aðrir þátttakendur úr norrænu og alþjóðlegu nýsköpunarumhverfi til tveggja daga af innblæstri, tengslamyndun og vaxtartækifærum.

Á ráðstefnunni má búast við:

– Fyrirlestrum, pallborðum og umræðum um tækni, frumkvöðlastarf og nýsköpun

– Tengslamyndun við frumkvöðla, fjárfesta, fyrirtæki og stuðningsaðila úr vistkerfinu

– Tækifærum fyrir sprotafyrirtæki til að kynna sig, taka þátt í pitch-viðburðum og tengjast fjárfestum

– Alþjóðlegu umhverfi þar sem áhersla er lögð á þekkingarmiðlun, samstarf og vöxt

– Aðgengi að viðburðaappi, dagskrá, sýningarsvæði og hliðardagskrá, eftir miðategund

TechBBQ er góður vettvangur fyrir þau sem vilja tengjast norræna nýsköpunarumhverfinu, kynnast nýjum lausnum og hitta fólk sem vinnur að því að byggja upp framtíðarfyrirtæki.

🌐 Heimasíða: https://techbbq.dk